انا ما اخطيت في حقك ولكن الكلام عتاب

انا ما اخطيت في حقك ولكن الكلام عتاب
أعاتب والعتب كلمة تفسرها ii معانيها

اعاتب واحسب بهرجي الا مني حكيت حساب
وكلمه استحي منها لساني يبتدى ii فيها

واذا انت من العتب تزعل علينا وابتصك الباب
ترى ما نيب قاصدها ولاني فيك ناويها

ولا ودى على الفرقا وقلبي داخلي iiمرتاب
اشوف ان الهوى خدعة واشوف القلب راضيها

واشوف ان الهوى فرقا مواليف وعناد احباب
واشوف ان الجفا خطوة ولاني قادر اخطيها

وقلبي لو عشق يخلص ولو طالت عليه رقاب
وتشهد له دروب الحب حاضرها وماضيها

عشقنا والهوى حسرة،مشينا والامل كذاب
بيدينا نابني منها قليل من بلاويها

عرفت الحب من عمري صغير بالغرام وشاب
وقلبي للحبيب اكبر من الدنيا وما ii فيها

صحيح انى نويت ابعدولكن الهوى غلاب
وهي رحلة بديت بها ولا ادري كيف بنهيها

تحريتك شروق الشمس وشفتك للشروق غياب
ولا اضنك تبيع العشره اللي كنت شاريها

بقى لي بالهوى نظرة وتغريبة ودمع اهداب
وقصة بترك لسانك على العذال يرويها

واناجي باقي حروفي وبألف للفراق كتاب
قصايد تملي اوراقي ارددها ii واغنيها

واذا مرتني الذكرى وجرحي بالحشا ما طاب

بتبعدني وتدنيني وببعدها iiوابدنيها

وانا عيب علي اشكي من الدنيا بدون اسباب !!
مدامي ما خذ منها يجيني يوم iiواعطيها